KACOU65: FUNGUO ZINAZO ZUNGUKA MBINGUNI

(Ilihubiriwa Jumapili asubuhi , Novemba 04,2007 huko anyama, kisha Adjame, Abidjan – Ivory Coast)

1 Mungu awabariki! Ni fursa kwetu tena kukutana leo ili kusikiliza Neno takatifu la Mungu.  Hatukuwa na kukiri asubuhi hii na hilo lilitufurahisha. Kadiri tunavyokuwa wengi na kukomaa, ndivyo maungamo yanavyopungua;  hiki ndicho tunachokiona.

2 Asubuhi ya leo nataka kuhubiri juu ya Ufunuo 19. Ni ujumbe mkuu wa Biblia. Ninataka kuonesha mpanda farasi huyu wa Ufunuo 19 lakini kabla ya hapo, nitazungumzia mambo kadhaa .

3 Mungu ni mjuzi wa yote na anamwona nabii akikamilisha utume wake hata kabla hajamwita na hata kabla hajaanza utume wake duniani!  Na wale ambao wanapaswa kumwamini nabii huyu tayari wameamini katika mawazo ya Mungu kabla ya kuwekwa misingi ya ulimwengu, kabla haijatukia duniani!  Mungu anajua idadi kamili ya watu wa umati mkubwa wa Aprili 24, 1993  [Mhr: Kusanyiko linasema: Amina!].

4 Na mliona kwamba katika maono ya pili ya yule dada, kulikuwa na watu weusi, weupe na watu wa rangi zote za dunia.  Na kama watu wa makabila yote na mataifa ya dunia hawatakuja hapa kwa sababu ya hili, basi nitaona kwamba nimepotoka na kwamba mimi ni nabii wa uongo.  [Mhr: Kusanyiko linasema: Amina!].

5 Hata kama Musa alimuua Mmisri, Mungu alimtangaza kuwa mtu mpole zaidi duniani katika siku zake. Na Daudi licha ya kifo cha Uria alitangazwa kuwa mtu aliyeupendeza moyo wa Mungu na alikuwa mfalme na nabii, na mwandishi wa Zaburi.  Na kati ya wake zake mia tano, ni kutoka kwa Bathsheba ambapo Sulemani alizaliwa, ambaye alikuwa mfalme na nabii, mwandishi wa Mhubiri, Methali na Wimbo Ulio Bora.

6 Na ingawa William Branham alisisitiza kwamba unyakuo ungetukia mwaka wa 1977 katika mahubiri ya majuma 70 ya Danieli, Mungu anamthibitisha na kumtangaza kuwa nabii asiyeweza kukosea.  Mungu hafanyi hesabu ya mwanadamu!  Mungu ni mkuu na yuko huru kufanya yote anayotaka!  Amina!

7 Sasa na tuchukue Ufunuo 19:1-16… Angalia ya kwamba, kwanza kabisa, kifungu hiki kinawasilisha majedwali matatu.  Kutoka mstari wa 1 hadi mstari wa 5, hii ndiyo jedwali la kwanza!  Kutoka mstari wa 6 hadi mstari wa 10 ni jedwali la pili.  Na kutoka mstari wa 11 hadi mstari wa 16 ni jedwali la tatu.  Na majedwali haya matatu yanaonyesha kitu sawa na Injili ya Mathayo, Marko, Luka na Yohana.  Mnaona ?  Kile Yohana alichoona kwenye jedwali la kwanza ndicho anachokiona kupitia majedwali mengine mawili.

8 Vema!  Sasa tuangalie mstari wa 9 na 10: Inaandikwa : “Akaniambia : andika, Heri walioalikwa kwenye karamu ya arusi ya Mwana-Kondoo.  Na akaniambia: Haya ndio Maneno ya kweli ya Mungu.  Nami nikaanguka mbele ya miguu yake ili kumwabudu.  Akaniambia : Jihadhari usifanye; Mimi ni mwenzako wa utumwa na ndugu zako walio na ushuhuda wa Yesu: msujudie Mungu, kwa maana roho ya unabii ni ushuhuda wa Yesu”.  Mnaona ?

9 Yohana, yaani Kanisa, lilimfuata malaika huyu;  malaika maana yake ni mjumbe.  Mungu alikuwa amemtuma mjumbe na wakati fulani katika huduma ya malaika huyu, wakati Yohana alipoona kina cha Ujumbe wa malaika uliomo katika kitabu… Mnaona?  Malaika akamwambia kama katika Mathayo 25:6: Tazama Bwana-arusi, Neno... Haya ndiyo Maneno ya kweli ya Mungu!  Malaika akamwambia, Jihadhari usifanye hivi;  Mimi sio Yesu!  Mimi ni mwenzako katika utumwa na ndugu zako walio na ushuhuda wa Yesu, yaani Wakristo!

10 Kwa hiyo ni malaika, mmoja wa wajumbe ambao Mungu angetuma kwa mataifa wakati wa nyakati saba za Kanisa la mataifa kwa usahihi zaidi yule ambaye angekuja usiku wa manane.  [Mhr: Kusanyiko linasema: Amina!].  William Branham alisema kwamba Kanisa lingetoweka katika Ufunuo 4 baada ya nyakati za jioni ili kutokea tena katika Ufunuo 19. 

11 William Branham alisema: “Sura tatu za kwanza za kitabu cha Ufunuo zinafunua matukio yote yanayohusiana na Kanisa.  Kisha, kuanzia sura ya 3 hadi sura ya 19 ya Ufunuo, hatulioni tena Kanisa.  Kanisa linapanda juu katika Ufunuo sura ya 4, na linarudi katika Ufunuo sura ya 19, Bwana-arusi na Bibi-arusi pamoja, wakirudi duniani.”  Tazameni kitabu : Sikukuu ya Baragumu Ref.  37 na kijitabu : Ufunuo sura ya 4.

 12 Sura nzima ya Ufunuo 19 inatimizwa duniani.  Kila moja ya mistari 21 ya Ufunuo 19 inatimizwa duniani!  Yohana aliona kwamba malaika huyu alikuwa Bwana Mwenyewe!  William Branham pia aliona kwamba malaika huyu alikuwa Bwana Mwenyewe!  Lakini hakuwa Bwana!  [Mhr: Kusanyiko linasema: Amina!].  

13 Kutoka kwa mitume ilifundishwa kwamba mpanda farasi huyu wa Ufunuo 19 alikuwa Kristo Mwenyewe!  Wanateolojia walifundisha kwamba mpanda farasi huyu alikuwa Kristo.  Lakini hakuwa Kristo!  Na mstari wa 12 unasema alikuwa na vilemba vingi juu ya kichwa chake, na vilemba ni taji za malkia.  Amina!

14 Na katika yale maono mawili, dada huyo anamwona yule mtu kutoka nyuma, wima mbele ya maji na katika picha ya pili mwanamume huyo huyo ameketi juu ya farasi mweupe.  Naye amevaa mavazi meupe, na anapaswa kwenda kama mshindi na kushinda. Na aliweza kusema kwamba nafsi yake ilimpenda.

15 Mnaona?  Mtume Yohana anaona  jedwali la tatu na ni malaika huyuhuyu mtukufu anayepanda, ni mhusika huyu huyu ambaye ameketi hapa juu ya farasi mweupe.  Na Biblia ilisema ya kwamba majeshi yaliyo mbinguni yalimfuata mbinguni.  Na sasa majeshi yaliyo duniani yanamfuata duniani.  [ Mhr: Kusanyiko linasema: Amina!].  

16 Na hili ndilo linalotukia duniani, hasa kiasi kwamba sisi ni watendaji wa Wokovu ili tushiriki katika Wokovu kama baba zetu ambao hawakuambiwa mambo ya kihistoria bali waliishi wenyewe Wokovu wakati wao.  Baba zetu watakatifu kutoka kizazi hadi kizazi waliishi Wokovu duniani pamoja na nabii aliye hai katikati yao, kama sisi pia, tulipewa sisi kuishi Wokovu katika wakati wetu na nabii mjumbe aliye hai katikati yetu.  Kama mimi ni kutimia kwa unabii wa Biblia, basi nyinyi pia!  [Mhr: Kusanyiko linasema: Amina!]. 

17 Hatuelezi au kusimulia yale ambayo mtu aliyafanya miaka arobaini iliyopita au miaka elfu mbili iliyopita bali tunaandika Biblia na kinachotokea hapa ndicho wana wa shetani watakachotukuza baada yetu wakati hakiwezi tena kuleta Uzima wa Milele!

18 Na kuhusu ufunuo wa utambulisho wa malaika huyu, imeandikwa juu ya matendo yake na juu ya paja lake na kwa hiyo inaweza tu kufunuliwa, kueleweka na kukubaliwa na Bibi-arusi peke yake!  [Mhr: Kusanyiko linasema: Amina!].

19 Ilionekana kwa Yohana kwamba malaika huyu alikuwa Bwana Yesu Kristo Mwenyewe, maana nani huyu anayedhihirisha manabii na watakatifu wengi na kutimiza unabii mwingi hivi?  Biblia inasema anasonga mbele na Mawingu ya Mbinguni.  Na Mawingu ya Mbinguni ni malaika watakatifu! 

20 Lakini tunajua kwamba ikiwa malaika waliimba wakati wa kuzaliwa kwake, malaika wataandamana naye katika huduma yake yote maana huduma ni tukufu zaidi kuliko kuzaliwa.  [Mhr: Kusanyiko linasema: Amina!].  Lakini pamoja na hayo yote malaika huyu hakuwa Bwana Yesu Kristo!  Yohana alikuwa ameuelewa vibaya Ujumbe huo! Lakini pia inasemekana kwamba juu ya paja lake imeandikwa, "Bwana wa mabwana, Mfalme wa wafalme."  Amina!

21 Vema!  Ningependa kusoma Danieli 7:13-14 .  Angalia kwamba katika Ufunuo 19:10, Yohana alitaka kumwabudu mjumbe huyu.  Yohana alifikiri ni Bwana Yesu Kristo Mwenyewe kwa namna nyingine.  Yohana alianguka mbele ya miguu yake ili kumwabudu.  

22 Akasema, Ni nani awezaye kusema maneno haya, ni nani awezaye kufunua mambo haya ila Bwana Yesu?  Na yule dada alipomwona katika ono la pili, akasema, Je!  Ikiwa ilikuwa nyeupe, angefanya makosa sawa na Yohana!  Mnaona ?  Haikuwa Kristo.  Naye akamwambia Yohana: Jihadhari usifanye hivyo, mimi ni malaika tu, mjumbe.  Mnaona ?

23 Sasa nasoma Danieli 7:13-14:…“Nikaona katika maono ya usiku, na tazama, mtu kama Mwana wa mtu akaja pamoja na mawingu ya mbingu, akamkaribia Mzee wa siku, nao wakamsogeza karibu naye.  Na wakampa mamlaka, na heshima, na ufalme, ili mataifa, watu na lugha, wamtumikie.  Utawala wake ni utawala wa milele, ambao hautapita kamwe, na Ufalme wake ni Ufalme ambao hautaangamizwa”.  Si mtu kama Mwana wa Adamu bali mtu kama mwana wa mtu, yaani, nabii.  Mpanda farasi huyu wa Ufunuo 19 si Kristo bali ni nabii ambaye atadhihirishwa duniani.  Udhihirisho wa Kristo Mwenyewe!  Amina!

24 Kwa nini Mungu alimwonyesha Danieli jambo hili?  Mungu alifanya hivyo kwa sababu ilikuwa ni wakati Roho wa Danieli alipokuwa anaenda kurudi tena duniani kwa ajili ya ufunuo wa lugha isiyojulikana, ndipo Mungu angetimiza Ufunuo 19. [Mhr: Kusanyiko linasema: Amina!].  Ni kifungu kile kile kutoka Ufunuo 19:11.  Na wachungaji, madaktari, wanateolojia na watu wote wa dini duniani, wawe ni wa Mungu au la, wamefundisha kwamba ni Bwana Yesu Kristo Mwenyewe kwa sababu wakati wa ufunuo na utimilifu wake ulikuwa bado haujafika.

25 Na mstari wa 27 unasema, ukinena juu ya Ufalme wa tano imeandikwa: “Na ufalme, na mamlaka, na ukuu wa falme, chini ya mbingu zote, watapewa watu wa watakatifu wake Aliye juu.  Ufalme wake ni Ufalme wa milele, na mamlaka yote yatamtumikia na kumtii.”  Amina!

26 Hakuwezi kuwa ufalme bila mfalme, ndiyo maana huyu mtu, kama mwana wa mtu wa Danieli 7:13-14, anapokea ufalme wa Ufalme huu wa tano.  Lakini mfalme halisi ni Mzee wa Siku anayeongoza Ufalme wake kupitia mwana wa mtu kama Samweli kwa muda.  Mnaona ?  Ufunuo 19:16 inasema kwamba yeye ni "Mfalme wa wafalme na Bwana wa mabwana"...

27 Ufalme huu na utawala ni wa kiroho;  ndiyo maana katika maono ya Aprili 24, 1993, ilikuwa ni nafsi yake ilienda kusimama juu ya maji na nafsi ya mtu yeyote aliyezaliwa na mwanamume na mwanamke haiwezi kumkaribia Malaika na Mwana-Kondoo isipokuwa ilikuwa ililetwa mbele yao. !  [Mhr: Kusanyiko linasema: Amina!].

28 Mungu ni Roho, na katika umbo la kibinadamu Danieli alimtambua vyema na kumwita “Mzee wa Siku,” yaani, Bwana Yesu Kristo.  Lakini kuhusu mhusika mwingine, Daniel hakujua ni nani!  Lakini alijua haikuwa Kristo.  Amina! 

29 Danieli hangeweza kumwabudu licha ya ufalme na mamlaka aliyopewa!  Na upande huu katika Ufunuo 19, watu wote wa kidini duniani walifikiri kumpa heshima, wakifikiri kwamba mpanda farasi huyu alikuwa Kristo Mwenyewe lakini Roho wa Danieli alitambua kwamba hakuwa Kristo!  [Mhr: Kusanyiko linasema: Amina!].  Mnaona ?  Philippe ina maana: "mtu anayependa farasi" au "mpanda farasi", ambayo ni kusema: mpanda farasi.

30 Na malipo ya Laodikia ni kiti cha enzi kama inavyoonyeshwa katika Ufunuo 3:21 maana ni ufalme.  Amina!

31 Ulimwengu mzima watoka kwa Roho moja ambaye ni wa Mungu.  Na kama kitabu cha Danieli kinavyoonyesha, ulimwengu ukawa milki nne, falme nne za kidunia ambazo ni ufalme wa Babiloni, ufalme wa Umedi na Uajemi, ufalme wa Kigiriki na milki ya Kirumi.  Na baada ya hapo kunainuka ufalme wa tano usioshindwa ambao ni Ukristo na ufalme huu yaani ukristo, ukawa wanyama wanne kwa sababu haukuwa kitu kamili!

32 Na hawa wanyama  wanne walikuwa ni ufalme wa Romani Katoliki, ufalme wa Waprotestanti, Ufalme wa wakinjili na katika nafasi ya nne, mnyama asiye na jina ambaye ni ufalme wa kibranhamisti.  Kama vile sanamu ya Nebukadneza ilikuwa na miguu nusu ya chuma na sehemu ya udongo, ni hivyo pia kwamba kulikuwa na Ubranhamisti wa Magharibi na wana wa Branham na Ubranhamisti wa Mashariki huko Ulaya pamoja na Ewald Frank na Alexis Barrel.  Lakini baada ya hawa wanyama wanne, watakatifu wote wa dunia watatambua kwamba roho takatifu zinazohuisha wale wanyama wanne ni mapepo.

33 Na Danieli 2:44 inasema, “Na katika siku za wafalme hao, Mungu wa mbinguni atausimamisha ufalme ambao hautaangamizwa milele;  na ufalme huu hautapita kwa taifa lingine;  utazivunja na kuzihangamiza falme hizi zote, lakini yeye mwenyewe atadumu milele».  [Mhr: Kusanyiko linasema: Amina!].  Na kilichounda Ukristo mwanzo ndicho kitakachounda Ufalme huu wa tano ambao hautaangamizwa.  Mnaona ?  Huu ndio ukweli kabisa!

34 Mfalme mkuu na nabii  alitembea Mwenyewe duniani miaka 2000 iliyopita na hakuna aliyemjali na maadamu anatuma Wafalme na manabii duniani, itakuwa hivyo.  Kumlinganisha Bwana Yesu Kristo na Papa wa Roma na wakuu wa makanisa ni sawa na kulinganisha mchana na usiku wakati mmoja anajiita mtumwa wa mwingine…

35 Papa anajiita mtumwa wa Kristo, mkuu zaidi duniani anajiita mtumwa wa aliye mdogo zaidi duniani.  Na ndivyo inavyotukia hasa duniani leo!  Je, Papa wa Roma anawezaje kukubali kuwa mtumwa wangu, mtu mdogo namna hii?  Je, wakuu wa makanisa, maaskofu, wachungaji wa dunia wanawezaje kukubali kuwa watumwa wangu mimi mtu mdogo namna hii? 

36 Lakini watakatifu wa dunia wataitambua nyota ya wakati wao na watatembea katika nuru na hatua ya nyota. Imekuwa hivyo tangu kizazi hadi kizazi tangu kuanzishwa kwa ulimwengu na katika kizazi chetu itakuwa hivyo na baada yetu itakuwa hivyo daima.  Mungu atatuma nabii duniani na watakatifu kwa wakati wake watatembea katika nuru yake!  Na anayeweza kuelewa aelewe!

Sura zinazofanana: Kc 83