KACOU 78: ISHARA ZA KUJA KWAKE

(Ilihubiriwa Alhamisi jioni, Agosti 21, 2008 huko Annyama, karibu na Abidjan – Ivory Coast)

1 … Vema!  Mungu awabariki!  Nina mfululizo wa maswali hapa ambayo nataka kujibu.  La kwanza ni: “Ndugu Philippe, tunajua kwamba Malaika wa Aprili 24, 1993 ni yule wa Ufunuo 19 lakini je, malaika huyu yuko pamoja na nabii au ndani ya nabii?  »

2 Ndiyo, hasa, Malaika wa Aprili 24, 1993 ni yule wa Ufunuo 19 na malaika huyu ni udhihirisho wa Bwana Yesu Kristo.  Uelewa mzuri ni kwamba malaika huyu yuko pamoja na nabii kama ilivyokuwa kwa Musa, William Branham na manabii wengine wengi.  Anaweza kuwa mbali nao, karibu sana nao au wakati fulani, kujiimarisha ndani yao kimwili ikiwa ni lazima, kwa kusudi maalumu. 

3 Jambo muhimu zaidi ni kujua wakati ni malaika na wakati ni ndugu!  Wakati wao ni watu wawili tofauti na wakati mwingine ni mtu mmoja!  Na katika huduma ya kurejesha upya, ni lini kipindi cha simba, kipindi cha ndama, kipindi cha tai, au kipindi cha mwanadamu?  Hivi ndivyo nabii Ezekieli aliona kwenye ukingo wa mto Kebari!  [ Mhr: Kusanyiko linasema, “Amina!  ”].

4 Swali la pili ni: “Ndugu Philippe, ikiwa mtu anatuomba kinywaji chenye kileo kwa ajili ya mahari ya bibi-arusi wetu, je, tunaweza kumpa?  Ndugu zangu, Biblia inasema mpe Kaisari yaliyo ya Kaisari na Mungu yaliyo ya Mungu!  Na kila mwanaume ana haki ya kuomba anachotaka  kwa mahari ya binti yake na ndio unatakiwa kutoa!  Sauli alipoomba govi mia za wanaume kwa mahari ya bintiye Mikali, Daudi hakuitoa kwa pesa!  Na juu ya kinywaji cha pombe, nitazungumza juu yake baadaye kidogo.

5 Sasa, ikiwa mnaona ndoto na hamkuisahau, kuweni makini nayo!  Ikiwa kwa mfano inaishia kwenye uchafu, usiitupe mara moja  kwa sababu dhambi au shetani anaweza kutambulika ndani yake.  Inaweza kuwa dhambi ya zamani, ya hata kabla ya ubatizo ambayo pepo wake bado yupo.  Katika kesi hiyo, mtakiri tena!  [Mhr: Kusanyiko linasema, “Amina!  ”].

6 Sasa swali la tatu: “Ndugu Philippe, je, tuna mtindo wa kufuata kuhusu mitindo ya nywele? " Sina fundisho lolote juu ya hilo lakini si vyema wembe kupita juu ya kichwa chako lakini mikasi na mashine ya kunyolea, sawa.  Pia, akina Dada wanaweza kusuka nywele zao za asili.  1 Timotheo 2 inazungumzia nywele za uwongo ambazo ni ishara ya ukahaba;  kujipamba ni kujitia kitu kama mavazi tunayovaa.  Mungu anachowaomba dada zetu ni kuona nywele zao zinafunika vichwa vyao hadi mabegani, vinginevyo, wako huru kukata au kuziacha].  [Mhr: Kusanyiko linasema, “Amina!  ”].

7 Swali linguine: “ Ndugu Philippe, mwandishi wa kitabu cha Waebrania ni nani, Paulo, Apolo au mtu mwingine”?  Nilisema kwamba mwandishi wa kitabu cha Waebrania ni Paulo. Mwanateolojia anaweza kusema juu ya mtinndo, juu ya wale wanaosalimiwa, lakini ninawaambia kwamba ni Paulo! Tunaona hata mafundisho hapo kwa hiyo inaweza kuwa Paulo pekee!  Apolo alikuwa mufuasi wa Yohana Mbatizaji lakini alipomwamini Paulo, akawa mfuasi wa Paulo, na kama Timotheo, Tito na Swilano. Kwa hiyo yeye ni wa mahali pa Efeso, na kwa hiyo hawezi kuandika kulingana na Kc 57! [Mhr: Kusanyiko linasema, “Amina”

8 Vema! Nawapenda sana wanafunzi  wangu kiasi kuwaingiza kwenye siasa au mtandao wa pesa!  Mbwa mwitu anaweza kufanya hivyo lakini mimi, kamwe!  [Mhr: Kusanyiko linasema, “Amina!  ”].  Mwaminifu, sawa, lakini mtumishi wa Mungu hawezi kamwe kuingilia au kuwavuta wanafunzi wake kwenye mitandao ya pesa. Nisichokifanya wakati sikuwa kitu sitafanya leo!  Mnaona ?  Kuwaingiza wafuasi wangu katika mtandao wa pesa, siwezi kufanya hivyo.  Nimepita mambo hayo!  [Mhr: Kusanyiko linasema, “Amina!  ”].

9 Vema!  Sasa nachukua mahubiri yangu kutoka Ufunuo 11 kuzungumza vitangulizi  vya ishara za kuja kwa Eliya na Musa.  Lakini kwanza nataka kusoma kifungu katika Kc.50.  Nasoma hivi: "Maelfu ya mashoga wanajiandaa kuandamana Ijumaa hii, Novemba 10, 2006 huko Jerusalem... Mwanasheria Mkuu wa nchi ya Israeli, Menachem Mazouz, aliidhinisha maandamano haya Jumapili jioni "ili kanuni za uhuru wa kujieleza uheshimiwa".

10  "Ni ushindi kwa demokrasia na uvumilivu wa Israeli," mara moja walitangaza wawakilishi wa Jerusalem Open House, shirika la wasagaji wa Israeli na mashoga. Walitangaza mara moja “Tumedhamiria kuchukua hatua ili maandamano haya yafanyike.  Halitakuwa la uchochezi.  Hakutakuwa sherehe ya  mizinga au wanaume uchi, na hii haitatokea karibu na makanisa, masinagogi au misikiti," rais wa wasagaji Elena Canetti aliiambia AFP.

11 "Tutawakusanya polisi zaidi ya 12,000 Ijumaa hii mjini Yerusalemu ili kuhakikisha usalama wa washiriki wa maandamano haya ya mashoga," kamanda wa polisi wa Israel Moshe Karadi aliiambia Redio ya Jeshi.  Miezi michache iliyopita, wakati wa maandalizi ya maandamano hayo, Rabi Mkuu wa Sephardic wa Israeli, Moshe Amar, alituma barua kwa Papa Benedict XVI akiomba kuungwa mkono dhidi ya maandamano hayo.  Katika miezi ya hivi karibuni, vipeperushi vimesambazwa huko Jerusalem na kuahidi zawadi ya dola 4,500 kwa yeyote atakayemuua shoga.  

12 Mnamo 2005, wakati wa maandamano ya nne ya mashoga huko Yerusalemu, Myahudi mwenye itikadi kali wa Orthodox aliwachoma visu washiriki watatu na akahukumiwa kifungo cha miaka kumi na mbili.  Kwa kushangaza, "kiburi cha Mashoga", maandamano ya mashoga na wasagaji hata hivyo hufanyika kila mwaka huko Tel Aviv bila tukio, katika mazingira ya haki.  Israel ilihalalisha ushoga mwaka 1988, na haki za wapenzi wa jinsia moja zinatambuliwa na mahakama za Israel”… Amina! [Kc.50v2-3]

13 Hizi ndizo ishara za utangulizi kwa Eliya na Musa.  Bwana Yesu Kristo angeweza kuwaambia wale 144,000 wa Ufunuo 7, "Mnapowaona mashoga na wasagaji wakipita katika mitaa ya Yerusalemu, jueni kwamba ukombozi wenu umekaribia kwa maana mahali hapo lazima kwanza pawe Sodoma!"  Unapoona miungu ya Kikatoliki, Kiprotestanti, Kiinjili na Kibranhamisti wakija kutafakari huko Yerusalemu, ujue kwamba ukombozi wako umekaribia kwa sababu mahali hapa lazima kwanza pawe Misri!”.  Mnaona ?

14 Hapo pana masomo kadhaa ya mahubiri  katika kifungu hicho lakini natamani kushikilia jioni hii kwa sentensi ambayo nitasoma tena: "Miezi michache iliyopita, wakati wa matayarisho ya maandamano, Rabi Mkuu wa Sephardi wa Israeli, Moshe Amar, alikuwa ametuma barua kwa Papa Benedict XVI kuomba msaada wake dhidi ya maandamano haya" .  Nataka kuzungumza juu ya somo: Ishara za Kuja Kwake.  Mnaona? [Kc.50v2-3]

15 Kama kila mwaka, tangu hata kabla ya 1988, mnamo Novemba hii ya 2006, maelfu ya Wayahudi walitatizwa na maonyesho haya ya mashoga na wasagaji katika ile inayoitwa nchi takatifu!  Sio tu jiji lolote bali jiji la kihistoria la Ukristo!  Na miongoni mwa wale Wayahudi waliotaabika, Rabi Mkuu wa Sephardic wa Israeli!

16 Yerusalemu ni jiji la Daudi, ni nchi ya kidunia ya manabii na Kristo!  Yerusalemu haikustahili uovu huo mkuu!  Ninaweza kuwazia huyu rabi mkuu aliyefadhaika na kukosa utulivu!  Hangeweza kuwafanya hao mapepo wakizungukazunguka, wakinyoosha mikono yao nje, wakipinda-pinda namna hiyo!  Yerusalemu haikustahili hilo!

17 Ndugu, miaka hamsini iliyopita hakuna mtu angeweza kufikiria kwamba wana-kondoo hawa waliorudi katika nchi yao ya zamani wangeweza kustahimili hili katika nchi yao!  Angalia Israeli, angalia wale Wayahudi, kila kitu kilikuwa cha kiroho na bendera ya zamani zaidi ulimwenguni, iliyopambwa kwa Nyota ya Daudi ilikuwa ikipepea tena!  Kila Mkristo, kila mahali, alikuwa akifurahi!  Mnaona ?  Israeli ambayo Biblia inazungumzia ilikuwa juu tena!  

18 Na mnamo Mei 14, 1948, David Ben-Gurion alipotangaza kuzaliwa kwa nchi ya Israeli akisema kwamba Israeli "itajengwa juu ya uhuru, haki na amani kulingana na wazo  la manabii wa Israeli", hakujua. kwamba taifa hili lingekuwa Sodoma, mahali pa maonyesho ya mashoga na wasagaji duniani.  Hakujua kwamba taifa hili lingekuwa Misri: mahali pa kuhiji miungu yote ya makanisa ya dunia!  Mnaona ?

19 Kadiri mabomu ya Wapalestina yanavyowalipukia ndivyo wanavyozidi kuwa wabaya zaidi.  Wala kufukuzwa, wala mauaji ya Holocausti na kambi za mateso hazikuwabadilisha!  Hii ndiyo sababu Mungu anawatumia wote wawili manabii wakuu ambao daima wanaona uso wa Mungu!  Kwa sababu wayahudi wanaamini katika manabii.  Na ikasemwa, “Ee Mungu!  Waache Wapalestina, usitutese tena pamoja na Waarabu...kama mmoja wa manabii wenu watakatifu atazungumza nao, wataamini."  

20 Mungu akasema, “Sawa!  Si Musa peke yake, bali pia nitamtuma Eliya!”  Na viumbe vyote vilivyo mbinguni, na juu ya nchi, na chini ya nchi, na juu ya bahari, na vitu vyote vilivyomo, wakapiga kelele kwa sauti kuu, wakisema, Yeye aketiye juu ya kiti cha enzi, na Mwana-Kondoo. baraka, na heshima, na utukufu, na nguvu, milele na milele!  Na wakaanguka kifudifudi na kusujudu!  [ Mhr: Kusanyiko linasema, “Amina!  ”].

21 Vema!  Hebu turudi nyuma kidogo, kwa tangazo la gwaride hili!  Kwanza ilikuwa ni kufuru!  Hata wana wa shetani waliinuka na kisha taratibu wakaanza kulizoea na kulivumilia.  Lakini wakati kuna wana wa Mungu pekee waliobaki dhidi yake, Mungu atawatumia Eliya na Musa!  [ Mhr: Kusanyiko linasema, “Amina!  ”].

22 Huyu Rabi Mkuu wa Israeli hakuweza kuwategemea hawa wanasiasa wakuu wa Kiyahudi!  Katika chaguzi za Israel, ni wagombea wangapi wanaosema kwamba wakichaguliwa, hakutakuwa tena na maandamano ya mashoga na wasagaji huko Jerusalem?  Wangapi ?  Hakuna!  Afadhali waongee jinsi watakavyowaponda Wapalestina kama mipira, matamasha, maonyesho, gwaride la mashoga na wasagaji zifanyike kwa amani!  Na kwamba watalii Wakatoliki, Waprotestanti, wainjilisti na wabranhamisti wawe salama.  Kila mtu anainuka na miradi kadhaa.  Mwingine anainuka na mradi mwingine, na kadhalika.  Lakini kamwe kwa ajili ya utakatifu wa Israeli.  Wanataka kuonekana kama mataifa, wamataifa, mataifa mengine na kadhalika.  Mnaona ?

23 Tazama jinsi Ariel Sharon, adui mkubwa wa Wapalestina, amekuwa katika koma kwa miaka miwili!  Amekufa akiwa hai!  Na ikiwa hauko kwenye ufunuo, utafurahi unaposikia kwamba wanajeshi wa Israeli wamewaua wanaharakati kadhaa wa Kipalestina!  Ndugu, kumbukeni kwamba si Wapalestina watakaowaua Eliya na Musa bali ni Wayahudi!  Mimi niko na Israel kwa moyo wote na siwaungi mkono Wapalestina lakini naamini kwamba wanaharakati hawa wa Kipalestina ni watumishi wa Mungu ili kutuliza ghadhabu ya Mungu!  [Mhr: Kusanyiko linasema, “Amina!  ”].

24 Rabi huyu mkuu hakuweza kuwategemea viongozi wa Israeli, ndiyo maana alipeleka akili yake mahali pengine, kutafuta msaada!  Lakini tunajua kwamba Msaada wa Mungu ndiye nabii aliye hai!  [ Mhr: Kusanyiko linasema: Amina!]. 

25 Rabi huyu hakujua angemgeukia nani, majina ya wafalme na marais mashuhuri yalikuja akilini!  Majina ya taasisi kubwa za kimataifa mathalani UN, Umoja wa Ulaya, Umoja wa Afrika yalikuja akilini!  Majina ya makanisa makubwa na mashirikisho makubwa ya makanisa yalikuja akilini!  Majina ya wachungaji wenye ushawishi na marais wakuu wa kanisa yalikuja akilini!  Majina kama Tommy Osborn, Billy Graham, Morris Cerullo, Reinard Bonnké, Benny Hinn... yalipita akilini mwake! 

26 Majina ya wale wote wanaofunga na kuomba kwa ajili ya Israeli yalikuja akilini!  Rabi huyu mkuu alijisemea: Ikiwa Bwana wao Yesu Kristo angeweza kuwafukuza wafanyabiashara wa kawaida kutoka hekaluni, ni wangapi watasimama watakapojua kwamba jiji la Bwana wao linachukuliwa na mashoga na wasagaji kutoka duniani kote?  Alikuwa anatembea na ghafla jina la Papa...Amina!  Lazima alipaza sauti: utukufu kwa Mungu!  "Baba mtakatifu zaidi, mkuu wa mitume, vicariv's filii dei!".  Amina!  Alifurahi sana.

27  Rabi huyu mkuu angeweza kuunda na kurekebisha barua yake kwa jina la rabi wa Kiyahudi kwa masharti ya kiungwana na heshima kuu inayostahili upapa na kisha akamkabidhi mjumbe maalumu kwenda kupeleka barua hii kwa Mtakatifu Papa Benedict XVI ana kwa ana!  Waraka huu haukuelekezwa kwa Papa pekee bali pia watu wakubwa kadhaa, wa kisiasa na kidini, lakini maandamano yalifanyika kwa mazingira ya sherehe na haki!  Ndugu zangu, lilikuwa ni jambo la kuchukiza lililokuwa likitayarishwa na papa na ulimwengu wote wa kidini hawakuhitaji barua kutoka kwa rabi mkuu ili kujibu!

28 Lakini hawakuweza kujibu kwa sababu jambo lile lile hutokea katika kila taifa kila mwaka;  na wanaita mashindano ya urembo, miss vile na hivi lakini kwa uhalisia gwaride la vijana makahaba!  [ Mhr: Kusanyiko linasema, “Amina!  ”].  Na sasa kuna kila aina: miss Intaneti, miss wa hiki, miss wa kile!  Na wachungaji wanatazama kwenye TV!  

29 Wasichana wadogo wakitembea na nguo zao za ndani mbele ya wanaume wenye macho yaliyojaa uzinzi!  Sidhani kama ni vibaya kutafuta msichana mrembo zaidi nchini lakini kigezo cha kwanza kabisa ni ubikira!  Lazima awe bikira!  [ Mhr: Kusanyiko linasema, “Amina!  "] mnaona?  Kuwafanya makahaba na akina mama vijana katika nguo za ndani ni chukizo!  Baadhi yao wakiwa wazinzi, wasagaji na walawiti!  Ni sawa na gwaride la mashoga na wasagaji!

30 Ulimwengu mzima unaweza kuzuia gwaride hili la mashoga na wasagaji lakini hawataweza!  Kwa vile yeye mwenyewe ni fisadi na amezoea mambo hayo!  Marekani ingeweza kulizuia, Vatikani ambayo haiwezi kukubali jambo kama hilo katika ardhi yake ya Vatikani ingeweza kulizuia vizuri, baraza la makanisa la ulimwengu lingeweza kulizuia, maelfu na maelfu ya mashirikisho na vyama vya makanisa vingeweza kulizuia vizuri lakini hayakufanya hivyo!  Lakini kwa nini hawakufanya hivyo?  Hivi ndivyo huyu rabi mkuu hakuelewa!  Kabla ya kuwageukia Wakristo, lazima alijiuliza ni Wakristo wangapi duniani wanaomba kuachiliwa au kutoa msaada wao kwa Myahudi huyu wa Kiorthodoksi aliyehukumiwa kifungo cha miaka kumi na miwili jela kwa kumuua shoga huko Jerusalem!

31 Katika nchi kama yetu, elimu ya uraia na maadili inapaswa kuwa somo kuu shuleni na kila mwanafunzi angejua kwamba ubikira ni diploma yake ya kwanza na ya kimungu na ishara ya maadili yake.  [ Mhr: Kusanyiko linasema, “Amina!  ”].  Unaweza kuona wanafunzi wakiwa na huzuni au wanalia kwa sauti kwa sababu walifeli mtihani au mashindano wanayo nafasi ya kufaulu mwaka ujao!  Lakini ni wangapi kati yao wamelia hivi kwa sababu wamepoteza ubikira ambao hawataupata tena?  Mnaona ? [Kc.5v22] [Kc.77v6]

32 Kabla ya rabi huyu kuandikia watu barua, ilimbidi aone si ushawishi wao au uzito wao wa kisiasa bali maadili yao katika nchi yao wenyewe!  Mnaona?  Mara nyingi mimi huchochewa kuzungumza juu ya mambo haya kwa sababu nimetumwa kama mjumbe wa mabikira kumi wa Mathayo 25:6!  Kila mjumbe anatenda kulingana na maongozi ya Roho wake!  Hivi ndivyo wajumbe wa Ufunuo 11 walivyotambulishwa kama Eliya na Musa.  [ Mhr: Kusanyiko linasema, “Amina!  ”].

33 Vema!  Hebu tuchukue  Ufunuo 11!  Nitasoma: “…Hawa ni ile mizeituni miwili na zile taa mbili zisimamazo mbele za Bwana wa dunia.  Na mtu akitaka kuwadhuru, moto hutoka katika vinywa vyao na kuwala adui zao;  na mtu ye yote akitaka kuwadhuru, lazima auawe kwa njia hii.  Hawa wana mamlaka ya kuzifunga mbingu, mvua isinyeshe katika siku za unabii wao;  na wanayo mamlaka juu ya maji kuyageuza kuwa damu, na kuipiga nchi kwa mapigo ya kila namna, wapendapo.  ".  Amina!  

34 Kwanza Eliya na kisha Musa wanatambulishwa kupitia hawa manabii wawili! Lakini leo tunaona wana wa shetani wakiinuka na kusema, "Mnaweza kunywa kwa sababu Yesu alikunywa!"  Lakini je, wanajua kwamba Bwana Yesu Kristo ndiye Mungu wa Roho za manabii na kwamba Roho wa Mungu anayefanya kazi katika saa hii bado ni Roho ya Eliya inayojitayarisha kwa ajili ya kurudi kwa Bwana Yesu Kristo?  Mnaona ?

35 Ikiwa mtu amepagawa na pepo wa pombe na anataka kunywa, na anywe lakini usiseme: "Yesu alikunywa au aligeuza maji kuwa divai."  Katika Agano la Kale ilisemwa kuhusu mtu mmoja aitwaye Yohana Mbatizaji: “…atakuwa mkuu mbele za Bwana, wala hatakunywa divai wala kileo;  naye atajazwa Roho Mtakatifu tangu tumboni mwa mamaye… Naye atatangulia mbele zake katika Roho na nguvu za Eliya”.  [ Mhr: Kusanyiko linasema, “Amina!  ”]. 

36 Kwa hiyo ni kawaida kwamba Yohana Mbatizaji na wanafunzi wake hawanywi hata kama mwana wa shetani alikuja kuwathibitishia kwamba mtu anaweza kunywa kama Nuhu na Yesu Kristo.  William Branham pia aliambiwa, “Kamwe usivute sigara, kunywa, au kujitia unajisi mwili wako na wanawake.  Utakuwa na kazi ya kufanya utakapokuwa mkubwa”.  [ Mhr: Kusanyiko linasema, “Amina!  ”].  Sasa malaika wa saba, Roho wa wakati wa Laodikia ni Roho wa Eliya anayejiandaa kwa ajili ya kurudi kwa Bwana Yesu! 

37 Na Roho ya Eliya si roho ya ngono wala roho ya kileo bali ni Roho ya Utakatifu katika mtazamo wa kunyakuliwa kama Henoko aliyekuwa Eliya kabla ya gharika na ambaye alinyakuliwa kama Eliya Mtishbi ambaye alinyakuliwa na kama Eliya wa Ufunuo 11 ambao watanyakuliwa!  [ Mhr: Kusanyiko linasema, “Amina!  ”].  

38 Roho ya Eliya ni Roho ya unyakuo na kwa hiyo Roho wa Mungu anayemwandaa Bibi-arusi kwa ajili ya unyakuo anaweza tu kuwa Roho ya Eliya na Roho ya Eliya hainywi!  [ Mhr: Kusanyiko linasema, “Amina!  ”]

39 Ni Roho ya Eliya inayotenda kazi leo na daima itakuwa Roho ya Eliya hadi Bwana Yesu Kristo atakapokuja!  Henoko na wanafunzi wake hawakunywa!  Eliya Mtishbi na wanafunzi wake hawakunywa!  Yohana Mbatizaji na wanafunzi wake hawakunywa!  William Branham na wanafunzi wake hawakunywa kwa sababu bado ni Roho ya Eliya!

40 Na katika Mwanzo 18, wakati Ibrahimu alipotoa karamu hii, Biblia haisemi kwamba walikula na kunywa bali, "...wakala."  !  Hakuna kuchanganyikiwa kwa Mungu!  Mwanzo 18:6-8 inasema, “Ibrahimu akaingia haraka hemani kwa Sara, akasema, Chukua vipimo vitatu vya unga mwembamba upesi, ukande, uoke mikate.  Ibrahimu akapiga mbio kwenda kundini, akatwaa ndama aliye laini na mzuri, akampa kijana, naye akafanya haraka kuitayarisha.  Akatwaa siagi , na maziwa, na ndama aliyowekwa tayari, akawaweka mbele yao, alisimama mbele yao chini ya mti, nao wakala.  [ Mhr: Kusanyiko linasema, “Amina!  ”].  

41 Vivyo hivyo, kwenye karamu ya Lutu aliyowapa wale malaika wawili huko Sodoma, Biblia haisemi kwamba walikula na kunywa, bali walikula!  Kwa nini?  Kwa sababu wale malaika wawili walikuwa Eliya na Musa!  Mnaona ?  Waangalie Wapentekoste na wakiinjili, ingawa hawana wazo la mambo haya, hawanywi lakini ni aina za Wabranhamisti wanaofundisha mambo kama hayo, wao wanaodai Roho wa Eliya!  Ni huzuni!

42  Kila nabii na kizazi chake hutenda kulingana na sifa za Roho wa Mungu anayetenda katika kizazi hicho!  Na anayeweza kuelewa aelewe

Sura zinazofanana: Kc.119, Kc.122, Kc.123 na Kc 124